Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë një interviste për mediet e Shqipërisë, raportuesi për vendin tonë në Parlamentin Evropian, Igor Soltes ka deklaruar se BE-ja vazhdon të këmbëngul në arritjen e marrëveshjeve mes Kosovës dhe Serbisë dhe zbatimin e tyre. Ai ka shtuar më tutje se Bashkimi Evropian insiston në përmbushjen e marrëveshjes, e cila është shkruar dhe vulosur nën titullin “Marrëveshja e Brukselit”. Ka akoma edhe disa kapituj të tjerë të cilat duhen të realizohen plotë- sisht nga të gjitha palët, madje kjo marrëveshje duhet të pranohet edhe nga partitë, në të dyja vendet. Kjo, natyrisht nuk është një proces i lehtë dhe kërkon një kompromis të madh dhe një përfshirje të sinqertë të të gjitha palëve të interesuara, ka deklaruar raportuesi për vendin tonë në Parlamentin Evropian, Igor Soltes. Ndërsa komentuar zërat për korrigjimin e kufirit në mes Kosovës dhe serbisë, ai ka theksuar se kancelaria gjermane, Angela Merkel e ka refuzuar kategorikisht këtë ide dhe se të njëjtin qëndrim kanë shfaqur edhe lider të tjerë të vendeve të Bashkimit Evropian.
