Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot po mbahet seanca gjyqësore kundër kryetarit aktual kuvendit, Glauk Konjufca, i cili akuzohet për hedhjen e gazit lotsjellës. Në rastin e Konjufcës dëshmon deputeti i AAK-së, Pal Lekaj. Dëshmitari i fundit në rastin e tij ishte ish-deputeti i LDK-së, Sabri Hamiti. Konjufca akuzohet se ka hedhur gaz lotsjellës në sallën e Kuvendit dhe ka penguar personat zyrtarë në kryerjen e detyrave zyrtare. Sipas aktakuzës, i pandehuri Konjufca po akuzohet se më 10 gusht të vitit 2016, gjatë mbajtjes së mbledhjes në sallën e Kuvendit të Republikës së Kosovës, ku merrnin pjesë kryetari i Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq, ai në cilësinë e deputetit, në kundërshtim me ligjin ka përdorur armë, dhe gjatë punimeve në Kuvend ka hedhur gazin lotsjellës. Aktakuza shkruan se për pasojë qëndrimi i pjesëmarrësve është pamundësuar nga tymi që ka shkaktuar gazi lotsjellës dhe të pranishmit janë detyruar të braktisin sallën. Me këtë rast Konjufca ka rënë ndesh me nenin për armëmbajtje në Republikën e Kosovës, ku ndalohet përdorimi i tyre .
