Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Bujanoc me organizimin e orës letrare ka nisur manifestimi tradicional “Ditët e Komandant Lleshit” për nderë të rënies heroike të Ridvan Qazimit-Komandant Lleshit. Lajmin e ka bërë të ditur kryetari i Këshillit Nacional të Shqiptarëve në Kosovën Lindore Ragmi Mustafa përmes një postimi.
“Sot, me organizimin e “orës letrare” filloi manifestimi tradicional “Ditët e Komandant Lleshit” në Bujanoc, për nderë të rënies heroike të Ridvan Qazimit-Komandant Lleshit. Me rënien heroike të dëshmorëve në Preshevë, Bujanoc dhe Medvegjë nuk ka marrë fund asgjë. Në fakt, gjithçka ka filluar për shqiptarët e Luginës së Preshevës. Nderimi sot për dëshmorët, shënimi i këtij manifestimi përkujtimues është nderim për të ardhmen tonë, që e kaluara të mos përsëritet kurrë dhe që idealet të përjetësohen. Duke e dashur vendin e dashur njëri-tjetrin. Ne të vetmen mundësi e kemi të mbështetemi tek njëri-tjetri. Përkulje e përjetshme”, ka shkruar ai.
