Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Gjykatën Speciale, në Hagë, ka vazhduar gjykimi në rastin e pretenduar penal kundër kreut të UÇK-së me dëshminë e ish-komandantit të Zonës Operative të Llapit, Rrustem Mustafa – Remi. Ai qysh dje ka filluar dëshminë e tij para trupit gjykues të Gjykatës Speciale. Me këtë rast është marrë në pyetje nga Prokuroria dhe në fillim ka treguar se më 15 shtator ka qenë dita e parë kur ka marrë pjesë në betejën e Kaçandollit. Remi është pyetur nga Prokuroria për disa dokumente që flisnin për raportet që duhet të kenë zonat e ndryshme me vëzhguesit e OSBE-së. Në pyetjen e prokurores, Lawson, se e ka takuar Hashim Thaçin në Likoc të Drenicës, Remi është përgjigjur se Likoci ka qenë qendër e UÇK-së dhe aty ka pasur shumë bashkëluftëtarë, ka mundur të jetë edhe ndonjëri tjetër. Por e rëndësishme ka qenë se unë kam shkuar për t’ u takuar me Kadri Kastratin, dhe marrjen e tij në zonën time. I pyetur për njësitin BIA Rrustem Mustafa ka thënë se ai njësit ka qenë e themeluar para Brigadës 153 dhe besoj që kjo njësi ka ndihmuar në formimin e kësaj brigade. Kanë vepruar ndaras por nuk e di momentin kur janë ndarë, e di që njësia BIA ka qenë njësi e veçantë, që ka mundur t’i raportojë Zonës Operative të Llapit mua dhe shtabit tim, është përgjigjur mes tjerash ish ish-komandanti i Zonës Operative të Llapit, Rrustem Mustafa – Remi.
