Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot mbahet Konferenca e njëmbëdhjetë për ecurinë e çështjes në rastin kundër të Hashim Thaçit, Kadri Veselit, Rexhep Selimit dhe Jakup Krasniqit. Avokati i Hashim Thaçit, Gregory Keohe, kishte thënë më herët se mbrojtjes duhet t’i lejohet qasje pa kufizime për intervistimin e dëshmitarëve. Flasim për një gjykatë që është e Kosovës dhe dispozitat që duhet të ndiqen. Kjo është shumë e qartë në kuadrin e kësaj gjykate. Procesi gjyqësor kërkon që mbrojtja të përfshihet në të gjithë gamën e shërbimeve. Pra, mbrojtja duhet të sigurojë pa kufizime mbrojtjen e një personi, mbrojtjen e provave dhe përgatitjen për marrjen në pyetje. Gjykata Evropiane për të Drejtat e Njeriut thotë se marrja në pyetje duhet të bëhet pa kufizime, ndërsa ndryshe vepron Zyra e Prokurorit, kishte thënë Keohe. Dëshmitarët në listën e dëshmitarëve nuk janë dëshmitarë në listën e Zyrës. Janë dëshmitarë që duhen marrë në pyetje nga të gjitha palët. Kjo është një shtesë paligjshmërie. Kemi 326 dëshmitarë, pothuajse 50 për qind kanë masa mbrojtëse. Avokati ka saktësuar se absurditeti qëndron në faktin se Zyra ka kërkuar masa mbrojtëse edhe për zyrtarë qeveritarë, ndërkombëtarë, si dhe oficerë ushtarakë.
