Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Hagë, u mbajt konferenca e gjashtë statusore kundër ish-krerëve të Ushtrisë Çlirimtare të Kosovës: Hashim Thaçi, Kadri Veseli, Jakup Krasniqi dhe Rexhep Selimi. Avokati i Hashim Thaçit, Luka Mishetiq, në seancën e sotme është shprehur i habitur me zvarritjet që Prokuroria po i bën rastit. “Ne shprehim shqetësimin tonë për dëshmitarët e ardhshëm shtesë për të cilët do të kërkohen masa mbrojtëse”, ka thënë ai. Ndërkohë avokati i Kadri Veselit, Niko Kaufman, ka pohuar se Prokuroria po i shkel të gjitha rregullat e përcaktuara dhe materialet e dorëzuara pas datës, nuk duhet të pranohen. “Nuk është kjo një mënyrë e zellshme e kryerjes së punës nga ZPS-ja, kjo është mënyrë nga paniku. Zonja Losson paraqiti faktin se ka dorëzuar shumë dokumente, por s’e ka përmendur faktin që këto i ka dërguar më 30 qershor. Ju kërkojmë që t’ua bëni të qartë Prokurorisë që nëse ata i shkelin afatet, materialet që i dorëzojnë më vonë nuk do të pranohen, ka deklaruar Kaufman, duke theksuar se dëshmitarët të cilët janë përcaktuar pas afatit, nuk duhet të lejohen në procedurë.
