Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizuar nga komuna e Junikut dhe ajo e Drenasit, si dhe nga familjarë e bashkëluftëtarë të dëshmorëve, sot, në Junik u përkujtua dhe u nderua vepra e dëshmorit, Bashkim Leku, në 23 vjetorin e rënies së tij.
Në fjalën e tij para familjarëve dhe të pranishmëve kryetari i komunës së Junikut, Agron Kuçi, tha se sot po qëndrojmë këtu në Junik e në Drenicë për të përkujtuar sakrificën sublime të dëshmorëve të UÇK-së dhe shumë brezave të tjerë me bashkimin e pushkëve për çlirimin e Kosovës.
Homazhet pranë lapidarit të dëshmorëve, përvjetorët dhe përkujtimet na rikujtojnë se sa sfidues dhe i kushtueshëm ishte rrugëtimi për liri, duke na bërë të përulemi para veprës më sublime të dëshmorëve dhe heronjve siç është flijimi për liri, ka thënë ndër tjera kryetari i Junikut Agron Kuçi para të pranishmëve. Sikur dihet gushti i vitit 1988, ishte shumë i rëndë jo vetëm për Junikun por për gjithë Ushtrinë Çlirimtare të Kosovës dhe për gjithë Kosovën pasi që në këtë muaj, në betejat e Junikut ranë shumë dëshmorë në mbrojtje të atdheut. Ndër ta edhe Bekim Berisha “Abeja” Bedri Shala, Bashkim Leku, Permet Vula, Elton Zherka e shumë e shumë luftëtarë të tjerë.
Dëshmori, Bashkim Leku u përkujtua nga bashkëluftëtarët, Niman Tofaj dhe Fatmir Kiçina të cilët e lartësuan veprën dhe heroizmin e tij.
Ndërsa luftëtari i lirisë, Enver Hajdari, tha se ky vend dhe këto male duhen të respektohen se për këtë i kemi krijuar këto insitutcione, pasi që për të ardhur te liria është dashur të derdhet gjak, ne si organizatë e dalë nga lufta I bëjmë thirrje faktorit ndërkombëtar që t’ i ndal padrejtësitë që po iu bëhen krerëve të UÇK-së dhe popullit liridashës.
Vëllai i dëshmorit, Demir Leku e falënderoi kryetarin e komunës, Agron Kuçi për pritjen dhe organizimin, po ashtu i përshëndeti të pranishmit, po ashtu u shpreh se me datën 6 gusht, familja Leku e ka të vështirë dhe ndjenë mungesën e Bashkimit, por me ardhjen e tyre në Junik, ata nuk ndjehen vetëm, dhe ndjehen krenarë për veprën e familjarit të tyre.
Në fund të pranishmit bënë homazhe dhe vendosën kurora lulesh te pllaka përkujtimore e dëshmorëve.
