Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në moshën 82-vjeçare ka vdekur, Simboli i Rezistencës Kombëtare, Bacë Adem Demaçi. Lajmin për vdekjen e Demaçit e ka publikuar, nënkryetari i Kuvendit të Kosovës, Xhavit Haliti. Ai ka ftuar deputetët për një minutë heshtje, ndërkohë që seanca është ndërprerë për të vazhduar nesër.
Adem Demaçi ka qenë personaliteti kryesor i Lëvizjes së rezistencës sonë kombëtare, në 50 vitet e fundit historisë sonë. Ishte strumbullari, epiqendra, dhe vertebra e Lëvizjes sonë Kombëtare prej vitit 1958 kur u burgos për herë të parë për veprimtari e cila me ligjet e kohës së regjimit pushtues cilësohej si veprimtari armiqësore.
Një vit pas daljes nga burgu, në vitin 1963, Adem Demaçi me disa bashkëmendimtarë formoi Lëvizjen Revolucionare për Bashkimin e Shqiptarëve. Pasi ishte zbuluar organizata regjimi e kishte dënuar 15 vjet burg. Afër një vit daljes së dytë nga burgu, sërish ishte burgosur me një grup atdhetarësh dhe në vitin 1975 sërish dënuar 15 vjet burg. Demaçi ka mbajtur 28-vjet burg në ish RSFJ.
Pasi ishte liruar nga burgu, në vitin 1990 ka qenë kryetar i Këshillit për Mbrojtjen e të Drejtave dhe lirive të Njeriut. Në vitin 1998 ishte emëruar zëdhënës i përgjithshëm i UÇK-së, dhe kishte vepruar në zyrën e tij, në Prishtinë.
Përveç aktiviteti të tij politik, atdhetar, Demaçi ka shkruar edhe romane, tregime, novela drama e poezi. Në dy tri vitet e fundit gjendja shëndetësore iu kishte përkeqësuar.
