Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në moshën shtatëdhjetë-vjeçare, ka ndërruar jetë, profesor doktor, Sabahajdin Cena, veteran i arsimit ish komandant për moral i Zonës së Pashtrikut, veprimtar dhe shkrimtar i mirënjohur si dhe anëtar i Redaksisë, “Feniksët e lirisë”.
U lind në Rahavec më 13 mars të vitit 1953.
Sabahajdin Cena ishte ndër intelektualët më të njohur të vendit, i cili ka dhënë një kontribut të jashtëzakonshëm në kohën e luftës së UÇK-së por edhe në shtet-ndërtimin e vendit. Nga Redaksia “Dëshmorët e UÇK-së” ka qenë i autorizuar për të hartuar biografitë e dëshmorëve të Zonës Operative të Pashtrikut. Ai ka shkruar dhe ka shkruar e botuar qindra biografi të dëshmorëve e dëshmoreve të luftës së UÇK-së nga kjo dhe zona të tjera.
Jeta dhe vepra e profesor doktor Sabahajdin Cenës ka qenë në shërbim të kombit e atdheut.
Ai ka lënë një trashëgimi të begatshme dokumentare, publicistike e artistike.
Varrimi i trupit të të ndjerit bëhet sot në orën 15.00, në varrezat e Rahavecit.
Me rastin e vdekjes, Drejtoria e Radios-Kosova e Lirë dhe Redaksia “Dëshmorët e UÇK-së” i shprehin ngushëllime të thella familjes së Sabahajdin Cenës, bashkëluftëtarëve dhe bashkëveprimtarëve të tij.
