Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në orën 17:00, në Amfiteatrin e madh të Universitetit të Prizrenit, shfaqet premiera e filmit dokumentar, “Shtegtari sypatrembur i shtigjeve të lirisë” kushtuar atdhetarit, veprimtarit, të burgosurit politik e luftëtarit të lirisë, Hysen Gegaj. Filmin e ka realizuar TV-Dielli, autor, Ahmet Qeriqi.
Emri i Hysen Gegës, radhitët në mesin e idealistëve më të përkushtuar dhe më të vendosur në idealet njerëzore, kombëtare e shoqërore. Ishte një burrë i përmbajtur, shumë i dashur dhe i respektueshëm. I urtë dhe i çiltër për nga natyra, por shumë i papërmbajtur kundër çdo padrejtësie. Kishte një buzëqeshje të veçantë dhe kuptimplote. Ka ndërruar jetë më 28 korrik të vitit 2021. Në ceremoninë e varrimit dhe të ditëve të ngushëllimit kishin marrë pjesë mijëra veteranë, shokë të idealit, miq e të afërm nga shumë vende të Anadrinit, Kosovës e më gjerë…
