Sot ( 26. 12. 2015) në Prishtinë hap punimet Sesioni shkencor “Kurani te shqiptarët”, që organizohet nga Kryesia e Bashkësisë Islame të Kosovës në përvjetorin e 30 të përkthimit të Kuranit në gjuhën shqipe.
Në hapje të sesionit do të jenë të pranishëm prijësit më të lartë të Bashkësive Islame nga Kosova, Shqipëria e Maqedonia. Punimet e sesionit do të zgjasin dy ditë, të ndara në 4 seanca tematike, ku do të referojnë 36 studiues nga të gjitha viset shqiptare. Sesioni mbahet në sallën e selisë së Kryesisë së Bashkësisë Islame të Kosovës në Prishtinë. Hapja e sesionit bëhet në ora 10:00.