Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në orën 17.00 në ambientet e Sallës së Kuqe të Pallatit të Rinisë dhe Sporteve, në Prishtinë, u mbajt akademi përkujtimore në nderim dhe respekt të 67 dëshmorëve të Prishtinës me rrethinë. Në këtë Akademi, kanë marrë pjesë familjarë dëshmorësh, invalidë e veteranë të luftës, përfaqësues institucionesh dhe qytetarë liridashës nga vendi e më gjerë.
Në fjalën e tij para të pranishmëve kryetari i Komunës së Prishtinës z, Përparim Rama ndër të tjera veçoi: Ne sot po përkujtojmë Dëshmorët e komunes tonë. Ne sot kujtojmë gjakun e dëshmorëve që sot përkon edhe me datën e monumenteve, pra është një përkim monumental. Pra sot Prishitina shënon edhe ditën e Monumenteve me emër e mbiemër. Kauza e tyre ishte sublime pra Liria e vendit tonë. Ata janë mishërim i idealeve që do të frymëzojnë brezat që vijnë.
Në emër të Shoqatës së Familjeve të Deshmoreve, dega-Prishtinë iu drejtua z, Naser Pacolli i cili tha: Ne kemi në kujtesën tonë kolektive atdhetarët e paepur. Kemi shembullin e Heroizmit të legjendarit Adem Jashari. Ne sot shënuam disa aktivitete në përkujtim e mos harrim për veprën e dëshmorve.
18 prilli i vitit 1999 shënon mbase numrin më të madh të dëshmorëve të UÇK-së, të rënë gjatë një dite, pas 14 dhjetorit të vitit 1998.
