Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Shtëpinë e Kulturës në Shtime u mbajt Akademi Përkujtimore për dëshmorët dhe martirë t e Reçakut Kryetarja e Kosovës, Atifete Jahjaga duke folur në Akademinë përkujtimore në shënim të 17-vjetorit të Masakrës së Reçakut, tha se krimi në këtë fshat shënoi kthesën e madhe historike për Kosovën, duke bindur bashkësinë ndërkombëtare që ndërhyrja kundër regjimit të Serbisë, është e domosdoshme. Reçaku është fundi i një historie të dhunës dhe dëshmon sakrificën e madhe të gjeneratave të tëra. Jahjaga tha se Reçaku është gurë themeli i shtetit të Kosovës dhe fundi i një epoke të rëndë hegjemoniste. Ajo duke përshëndetur ish-ambasadorin e OSBE-së në Kosovë, William Walker tha se Reçaku po ashtu është një rrëfim i pandarë i një miqësie të përjetshme me SHBA-të dhe një lidhje e fuqishme me Bashkimin Evropian.
