Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Tiranë, ka përfunduar takimi i mbajtur nga kryeministri Shqipërisë, Edi Rama dhe i liderëve të vendeve të Ballkanit Perëndimor. Liderët e rajonit me përjashtim të kryeministrit të Kosovës, Albin Kurti, i cili ndodhet në një konference në Kretë të Greqisë, patën një drekë informale në Vilën 30 në kryeqytet. Kryeministri Edi Rama bën me dije se gjatë takimit informal është diskutuar mbi planin e ri të mbështetjes financiare dhe ekonomike të BE-së për Ballkanin Perëndimor. Sot pas takimit informal mbi Planin e Ri të mbështetjes financiare dhe ekonomike të BE-së për Ballkanin Perëndimor, me Komisionerin e Bashkimit Europian për Zgjerimin dhe Fqinjësinë, Olivér Várhelyi, Kryeministrin e Republikës së Malit të Zi, Dritan Abazović, Kryeministrin e Maqedonisë së Veriut, Dimitar Kovačevski dhe Kryeministren e Republikës së Serbisë, Ana Brnabić”, shkruan Rama në rrjetet sociale. Fokusi i takimit ishte tek procesi i Berlinit që do të mbahet në Shqipëri në vjeshtë. Pjesë e takimit informal të Tiranës ishte edhe komisioneri i BE për zgjerimin, Oliver Varhelyi. Opozita në Kosovë dënoi ashpër bojkotimin që Kosova i bëri takimit: BE-Ballkani perëndimor që u mbajt në Tiranë, në kuadër të Procesit të Berlinit.
