Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues të Gjykatës Speciale, në Hagë, u dëgjua dëshmitari i pestë i mbrojtjes së Salih Mustafës, Gani Sopi. Ai ka folur për periudhën e parë të vitit 1999 dhe takimet me Salih Mustafën, kur edhe janë takuar në fshatin Butovc në javët e para të muajit prill. Luftëtari i UÇK-së ka thënë se Salih Mustafa kishte qenë i interesuar për strehimin dhe sigurimin e ndihmave të nevojshme për civilët. Në fund të marsit të vitit 1999, pas fillimit të bombardimeve të NATO-s, bashkë me civilët jam larguar nga Prishtina për në fshatin Butovc, në vendlindjen time. “Kujtimet janë të vështira, koha dhe rrethanat kanë qenë shumë të vështira, ishte një dhunë represive shumë e madhe në qytet, por jo vetëm në pjesën e qytetit tim por edhe në pjesë të tjera të qytetit. Policia dhe paramilitarët serb ushtronin dhunë të paparë dhe nuk kishte rrugë tjetër përveç të organizojmë në ndonjë mënyrë popullin dhe atë pjesën që ishte faktikisht kah jetonim edhe ne, me të gjithë shokët dhe bashkëveprimtarët e mi dhe t’i orientojmë nga Butovci, pasi mendonim se atje ishte një siguri pak më e madhe. Salih Mustafa kishte qenë në Butovc me rroba civile duke theksuar një xhaketë ngjyrë të gjelbër. Gani Sopi ka treguar se Salih Mustafa është mik e bashkëluftëtar i tij.
