Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Spanja është vendi endi mbanë nën pushtim dy popuj të vjetër të Evropës, katalunjasit dhe baskët, andaj nuk është për t’u habitur se ky vend, ku për herë të parë ka lindur edhe fashizmi, nuk e përkrahë pavarësinë e Kosovës. Ambasadori spanjoll në Serbi, Raul Molina, ka thënë se shpallja e njëanshme e pavarësisë së Kosovës është kundër të drejtës ndërkombëtare. Këtë koment ai e bëri gjatë një takimi që e zhvilloi me ministrin e Mbrojtjes të Serbisë, Nebojsha Stefanoviq, duke e shprehur kështu qëndrimin e Spanjës sa i përket Kosovës. Stefanoviqi “e ka falënderuar për qëndrimin parimor të mbretërisë së Spanjës për çështjen e mosnjohjes së pavarësisë së Kosovës. Ai citohet t’i ketë thënë ambasadorit se Serbia e mbështet fuqishëm integritetin territorial të Spanjës. “Ambasadori Molina deklaroi qëndrimin e palës spanjolle se shpallja e njëanshme e pavarësisë së Kosovës është kundër ligjit ndërkombëtar dhe se mbështet angazhimin e UNMIK-ut dhe KFOR-it në stabilizimin e situatës në Kosovë, si pjesë e Republikës së Serbisë”, citohet të ketë thënë ambasadori spanjoll. Spanjolli Molina ka anashkaluar verdiktin e Gjykatës Ndërkombëtare të Drejtësisë lidhur me pavarësinë e Kosovës, të cilin e kishte kërkuar vetë Serbia në vitin 2011.
