Sqarim i opinionit publik lidhur me punimet në Parkun e Lirisë në Ferizaj  

Tema të tjera...

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

03/04/2025

Komuna e Rahovecit dhe Agro Celina përkrahin kultivuesit e trangujve dhe të specave

03/04/2025

Njoftim nga Drejtoria e Bujqësisë për Fermërët nga Komuna e Rahovecit

03/04/2025

Kryetari Haliti ka shpallur vitin 2025 si vit i Mbrojtjes së Mjedisit dhe Pyjeve në territorin e komunës së Vitisë

03/04/2025

Drejtoria për Bujqësi  e Vitisë njofton fermerët për aplikim në Programin e pagesave direkte për vitin 2025

03/04/2025

U mbajt mbledhje komemorative në nderim të tre qytetarëve të Malishevës të cilit ishin zhdukur në masakrën e Kralanit

03/04/2025

Ditëve të fundit është zhvilluar në diskursin publik e në artikuj medial, një fushatë akuzuese ndaj Komunës së Ferizajt, lidhur me nisjen e punimeve në Parkun e Lirisë nga ana e personit privat. Për të njohur me të vërtetën bashkëqytetarët tonë sqarojmë se:

1. Më datë 03.07.2019, personi privat Naim Gashi, ka marr PËLQIM nga Ministria e Bujqësisë, Pylltarisë dhe Zhvillimit Rural, përkatësisht Agjencia Pyjore e Kosovës për NDËRRIMIN E DESTINIMIT të përkohshëm për marrje në shfrytëzim të tokës pyjore me qira, për ngritjen e objektit me material të karakterit të përkohshëm – Restaurant – në parcelën ku aktualisht po kryhen punimet në Parkun e Lirisë .

2. Më 08.12.2023, Ministria e Bujqësisë, Pylltarisë dhe Zhvillimit Rural, përkatësisht Agjencia Pyjore e Kosovës lidh KONTRATË PËR QIRANË E TOKËS BUJQËSORE me personin privat Naim Gashi, për parcelën përkatëse.

Nga sa shihet më lartë, vlen të theksohet se parcela përkatëse është në pronësi dhe menaxhim të Ministrisë së Bujqësisë, Pylltarisë dhe Zhvillimit Rural, përkatësisht Agjencia Pyjore e Kosovës dhe se e njejta i ka dhënë PËLQIMIN dhe ka lidhur KONTRATË me personin privat për dhënien me qira të kësaj parcele për ngritjen e restaurantit në Parkun Liria.

Komuna me kohë e vazhdueshëm ka kundërshtuar këtë iniciativë, për të cilën është përballur edhe me padi nga personi privat i lartcekur, e cila procedurë gjyqësore ka përfunduar me AKTGJYKIMIN e Gjykatës Themelore të Ferizajt C.Nr.71/20 të datës 19.11.2020 aktgjykim në favor të palës private.

Po kështu, Komuna e Ferizajt, ka marr vendim për pezullimin e përkohshëm të lejes ndërtimore me numër 04-351/01-0085584/24.

Nga sa më sipër, sheshazi është e qartë se prona nuk është pronë komunale dhe të njejtën ia ka dhënë në shfrytëzim – qira palës private – Ministria e Bujqësisë, Pylltarisë dhe Zhvillimit Rural, përkatësisht Agjencia Pyjore e Kosovës.

Duke parë reagimin edhe nga deputetë e ish deputetë të pozitës, ftojmë këta të fundit që për çështjen në fjalë, të ndërmarrin veprimet e nevojshme pranë institucioneve qendrore, Ministrinë përkatëse që të merren masat për pëlqimin e dhënë për shfrytëzimin e kësaj hapësire.

Komuna nuk do të rresht me veprimet e saj, që Parku të mbetet si i tillë në shfrytëzim të qytetarëve, për këtë kemi dëshmuar edhe me investimet milionëshe që po realizojmë për zgjerimin e Parkut të Lirisë që paraqet vizionin tonë për projektet e tilla të gjelbërta.