SQARIM PËR OPINIONIN PUBLIK NGA DSHP NË RAHOVEC

02/12/2020 Institucionet

Drejtoria e Shërbimeve Publike në Rahovec sqaron qytetarët lidhur me punimet që po realizohen në terren:

Të nderuar bashkëqytetarë, kohëve të fundit ka pasur reagime të shumta dhe deklarata të pabaza lidhur me punimet që po realizohen nga ana e DSHP-së, punime këto në të mirë të qytetarëve të komunës së Rahovecit. Deklarata nga ana e Lëvizjes Vetëvendosje sa i përket “Asfaltimit” të rrugës Celinë-Fortesë është totalisht tendencioze dhe e pabazë. Ne si drejtori ndjejmë obligim t’u sqarojmë se nuk po bëhet asfaltimi i rrugës por meremetimi, pra dallon shumë për nga ndërtimi.  Sa për sqarim dhe informim të drejtë dhe të saktë, Komuna e Rahovecit ka një Organ Mbikëqyrës i cili është kompetent për të analizuar cilësinë e punimeve, po ashtu janë kushtet ndërtimore ato të cilat e përcaktojnë ngjeshmërinë e asfaltit. Ndërsa, sa i përket pusetave, ju informojmë se ne vetëm sa kemi filluar me realizimin e punimeve dhe nuk jemi ende në fazën finale, jemi në fazën e punimeve. Deklarata të tilla nuk janë në dobi të askujt andaj ju lusim për seriozitet dhe reflektim. Shihet qartë se atyre po u pengojnë punët tona të mira në shërbim të qytetarëve tanë. Ne nuk ndalemi duke punuar në të mirë të qytetarëve!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara