Stadiumi i qytetit të Gjakovës po merr pamjen e një infrastrukture moderne sportive

06/01/2025 Institucionet

Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, gjatë vizitës në Gjakovë, bashkë me të parin e kësaj komune, Ardian Gjini kanë vizituar stadiumin e qytetit.

“Stadiumi i qytetit të Gjakovës po merr pamjen e një infrastrukture moderne sportive, duke dëshmuar se vizioni dhe përkushtimi i qeverisjes lokale mund të transformojë ëndrrat në realitet. Investimet në sport nuk janë thjesht shpenzime, por investime në rininë dhe të ardhmen e vendit”, ka thënë Haradinaj, i cili ka lavdëruar punën e kryetarit të Gjakovës, Ardian Gjini, nën udhëheqjen e të cili Gjakova ka përjetuar zhvillimin.

“Nën udhëheqjen e kryetarit Ardian Gjini, Gjakova po shndërrohet në një model të zhvillimit të qëndrueshëm komunal. Pavarësisht mungesës së mbështetjes nga niveli qendror, kjo komunë po dëshmon se me menaxhim të mirë dhe planifikim strategjik, rezultatet janë të prekshme dhe në shërbim të qytetarëve”, është shprehur Haradinaj.

“Stadiumi i qytetit të Gjakovës do të jetë aset për gjithë Kosovën. Do të jetë një shtëpi e re për sportin gjakovar, një hapësirë që do t’i shërbejë gjeneratave të reja dhe do të nxisë talentin vendor. Gjakova po tregon rrugën se si duhet të qeveriset – me vizion, përkushtim dhe rezultate konkrete për qytetarët”, ka përfunduar kryetari i AAK-së, z. Ramush Haradinaj.

Kontrolloni gjithashtu

Kryetari Haliti uron Krishtlindjet Ortodokse

Kryetari i komunës së Vitisë përmes rrejetit të tij social, facebook ka uruar besimtarët ortodoks …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara