Stane Gashi nderohet me mirënjohje nga Kryetari i Prishtinës, Përparim Rama

10/01/2025 Institucionet

Kryetari i Komunës së Prishtinës, z. Përparim Rama ka nderuar me mirënjohje, znj. Stane Gashi për kontributin e saj gjatë luftës së UÇK-së.

Rama në postimin e tij në facebook ka shkruar:

Kur atdheu thërriste, shtëpia e Nënës Stane u bë një vatër shprese dhe qëndrese, ku luftëtarët gjetën jo vetëm ushqim e strehim, por forcën për të vazhduar.

Aty ku të tjerët mund të kishin zgjedhur heshtjen, ajo ktheu pragun e shtëpisë së saj në vatër të luftës për çlirim.

Me bujarinë dhe dashurinë e saj të pakursyer, ajo e shkroi emrin në historinë e kombit si një grua që nuk u tremb asnjëherë nga sakrifica.

Populli i dha me të drejtë epitetin e madh “Nëna e UÇK-së”, një emër që nuk është thjesht nderim, por një dëshmi e guximit dhe vetëmohimit të saj të pashoq.

Mirënjohja jonë për Nënën Stane nuk do të shuhet kurrë, sepse ajo nuk ishte thjesht një nënë për luftëtarët, por një dritë në rrugën drejt lirisë, ka shkruar në facebook, kryetari i Prishtinës, z. Përparim Rama.

Kontrolloni gjithashtu

Shtyhet deri më 20 janar afati i raportimit të aktiviteteve të projekteve për subvencione

Pas kërkesës së shumë OJQ-ve dhe Komisionit për pranimin e raporteve nga OJQ-të se ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara