Stavileci: Qeveria mbështet nismat private për investime në BRE

15/12/2016 Institucionet

Qeveria e Kosovës mbështet të gjitha iniciativat private për investime në sektorin e energjisë brenda kornizës ligjore dhe institucionale, duke synuar që të diversifikojë burimet e energjisë, ka deklaruar Ministri i Zhvillimit Ekonomik, Blerand Stavileci.

Këto komente Stavileci i bëri me rastin e prezantimit të projektit për ndërtimin e kapaciteteve gjeneruese prej 150 MW nga burimet e energjisë solare, projekt i Kompanisë Jaha Group. Të pranishëm, përveç investitorëve, ishin edhe Zëvendësambasadorja e Gjermanisë në Kosovë, Christina Gehlsen, përfaqësues të institucioneve financiare ndërkombëtare si  BERZH, KfW, IFC etj.

Kreu i MZHE-së tha se Qeveria është e përkushtuar që të sigurojë furnizim të rregullt me energji elektrike, por çdo herë duke pasur parasysh impaktin social dhe mbrojtjen e ambientit.

“Ne jemi të bazuar në katër burime për prodhimin e energjisë, nga era, uji, ajri, dhe biomasa. Sa i përket sektorit privat shohim se gjërat kanë lëvizur në drejtim pozitiv siç është rasti i hidrocentraleve të vogla, nuk kemi diçka nga biomasa, por kemi diçka nga burimet e erës, ndërsa kemi disa projekte të cilat janë në fazën e draftimit, kemi po ashtu disa projekte të propozuara nga sektori privat”, tha Stavileci.

Sa i përket angazhimit të Qeverisë për të ndihmuar investitorët për investime në këtë sektor, Ministri Stavileci tha se tashmë është duke u punuar në themelimin e One Stop Shop për Burime të Ripërtritshme të Energjisë, me çka synohet të reduktohen procedurat dhe të eliminohen barrierat e mundshme.

Përfaqësues të Jaha Group theksuan  se projekti ndihmon Kosovës në diversifikimin e burimeve në fushën e energjisë si dhe rrit sigurinë e furnizimit me energji. Ata po ashtu theksuan se kjo kompani pas  investimit në prodhimin e paneleve solare  synon që me projektin e gjenerimit të kontribuojë në zhvillimin ekonomik të vendit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara