leoni

Stavileci vlerëson kontributin e punëtorëve të KEK-ut për të mbajtur stabil prodhimin e energjisë

14/01/2017 Institucionet

Ministri i Zhvillimit Ekonomik, Blerand Stavileci, ka vlerësuar lartë punën vetëmohuese të punëtorëve të Korporatës Energjetike të Kosovës (KEK), që në këto ditë të ftohta me temperatura tepër të ulëta, arritën të mbajnë stabil gjenerimin e energjisë, respektivisht furnizimin me energji për qytetarët e Kosovës.

Këto komente Ministri Stavileci i bëri të shtunën gjatë vizitës që i bëri TC Kosova A dhe TC Kosova B, gjatë së cilës bashkëbisedoi me punëtorë të kësaj korporate dhe u njoh për së afërmi me sfidat me të cilat u ballafaquan gjatë këtyre ditëve.

Stavileci falënderoi ata për përkushtimin e tyre për tu përballuar me gjendjen e krijuar si pasojë e motit të keq. “Ndryshe nga herët e tjera, sot kemi ardhur në vizitë në TC Kosova A dhe TC Kosova B me të vetmin qëllim që t’i vizitojmë dhe të shohim nga afër punën e madhe që janë duke bërë punëtorët dhe menaxhmenti i KEK-ut në këto ditë të vështira dimri, por atipike për sa i takon temperaturave të ulëta, një i ftohti dhe acari siberik”, tha Stavileci.

Kreu i MZHE-së nënvizoi se falë angazhimit të madh të punëtorëve dhe vetëmohimit të tyre, është arritur që në të dy termocentralet të mbahet prodhimin në nivel, që të mos ketë shkëputje dhe probleme, sado që në këto temperatura gjithçka do të ishte e pritshme.

Stavileci tha se ka pasur edhe vështirësi, që është krejt normale, por mbi të gjitha duhet vënë në pah një heroizëm pune, guxim dhe profesionalizëm që kanë dëshmuar të gjithë punëtorët e KEK-ut, e cila ka bërë që në të mos përballemi me problemet që janë përballur vendet tjera.

Edhe Drejtori Menaxhues i KEK-ut, Arben Gjukaj ka vlerësuar kontributin e punëtorëve të kësaj korporate për të mbajtur stabil prodhimin e energjisë, përkundër kushteve të vështira të krijuara nga moti i keq.

Nga ana e tyre,  punëtorët e KEK-ut kanë njoftuar Ministrin Stavileci me sfidat që janë ballafaquar dhe kanë falënderuar atë për mbështetjen që po u jep.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara