Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Jens Stoltenberg ka thënë se lufta në Ukrainë do të zgjatë më shumë se sa është menduar. Ai ka shtuar më tutje se shumica e luftërave zgjasin më shumë se sa pritet kur fillojnë prandaj ne duhet të përgatitemi për një luftë të gjatë në Ukrainë. Sekretari i Përgjithshëm i NATO-s, Jens Stoltenberg i ka thënë grupit mediatik gjerman “Funke” se duhet ta pranojmë se nëse presidenti Zelensky dhe ukrainasit pushojnë së luftuari, vendi i tyre nuk do të ekzistojë më. “Nëse presidenti Putin dhe Rusia heqin armët, ne do të kemi paqe. Ne të gjithë dëshirojmë një paqe të shpejtë. Kur të përfundojë kjo luftë, ne kemi nevojë për garanci sigurie për Ukrainën. Përndryshe, historia mund të përsëritet” ka theksuar sekretari i Përgjithshëm i NATO-s, Jens Stoltenberg.
