Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Studentët e të gjitha Universiteteve të Kosovës do të mbajnë një protestë më 14 maj ku do të shfaqin pakënaqësitë dhe diskriminimet në universitetet publike dhe ato private anembanë Kosovës, protestë që i bashkëngjitet asaj të AAK-së dhe Nismës. Përfaqësuesi i këshillit organizativ, Atdhe Halilaj tha se pas shumë konsultave brenda universiteteve publike dhe atyre private kanë vendosur që të marrin pjesë në protestën e 14 majit duke shfaqur kërkesat e tyre dhe preokupimet që kanë çdo ditë. Ne si student kemi platformën tonë, nisjen tonë të veçantë dhe gjithçka që do të marrim pjesë me idetë tona dhe me kërkesat tona. Neve na janë bashkuar edhe disa organizata studentore dhe disa OJQ, të cilat e kanë pa të arsyeshme të na mbështesin. Disa prej shqetësimeve që po na preokupojnë janë cilësia e dobët në Universitetin e Prishtinës, dhe në të gjitha universitete tjera të Republikës së Kosovës. Kemi përfaqësues edhe të kolegjeve private të cilat kanë të njëjta problem e si ne në protestë do të marrim pjesë me këto kërkesa tona por edhe duke mos lënë anash edhe dy çështje të rëndësishme që janë Demarkacioni dhe Asociacioni që janë preokupim jo vetëm për neve si student por për çdo qytetar të Republikës së Kosovës”, tha Halilaj.
