Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Unionit të Studentëve të Kosovës, Arben Mehmeti, ka reaguar lidhur me aksionin e studentëve afër Kishës serbe, e cila gjendet në ambientet e jashtme të Universitetit të Prishtinës. Ata kanë ftuar Qeverinë e Kosovës, Kuvendin si dhe komunën e Prishtinës që sa më parë të zgjidhin problemin objektit të jashtëligjshëm, i ndërtuar gjatë kohës së fashizmit të Milloshoviqit”. Studentët kërkojnë të mos lejojnë priftërinjtë serbë të provokojnë durimin e tyre në përpjekje për rimëkëmbjen e objektit pa leje dhe të mos i lejojnë ata të mbajnë ceremoni fetare nacionaliste në objektin që gjendet në Kampusin Universitar, meqë hapësira në oborrin e Universitetit i takon vetëm studentëve dhe askujt tjetër”, thuhet mes tjerash në këtë reagim. USK thotë se nëse nuk merren masa nga ana e institucioneve të shtetit, “ne si studentë nga të gjitha universitetet publike dhe private në Republika e Kosovës do të organizohemi në protesta gjithë studentore për të kundërshtuar uzurpimin e hapësirës që na takon ne si studentë”. Studentët i bëjnë thirrje Rektorit dhe organeve të Universitetit të Prishtinës që menjëherë të reagojnë dhe të kërkojë nga komuna e Prishtinës që sa më parë të kthejnë pronën e Universitetit e cila është uzurpuar nga Kisha politike serbe gjatë kohës së regjimit kriminal dhe antishqiptar të Milosheviqit.
