Studentët nga Universiteti i Lyon-it të Francës të gatshëm të ndihmojnë shkollat vitiase me mjete të konkretizimit

21/02/2019 Institucionet

Kryetari i Komunës së Vitisë, Sokol Haliti ka pritur sot në takim studentët nga Universiteti i Lyonit të Francës, Auriane Dubreu, Marie Bertrand, Juliette Jaricot dhe Florent Bilali të cilët përmes një projekti nga ky universitet synojnë të ndihmojnë shkollat e fshatrave Debelldeh, Letnicë e Ballancë me mjete konkretizimi për mësim. Florent Bilali, student i Universitetit të Lyon-it të Francës dhe i angazhuar në realizimin e këtij projekti ndër tjerash tha se nga aktivitetet e shumta të realizuar nga studentët pjesëmarrës në këtë projekt në Francë janë grumbulluar mjete të ndryshme financiare si dhe janë dhënë edhe donacione me të cilën do të ndihmohen shkollat e fshatrave Debelldeh, Letnicë dhe Ballancë me mjete të konkretizimit për mësim. Ndërkaq Kryetari i Komunës së Vitisë, Sokol Haliti i ka falënderuar studentët për këtë projekt dhe u shpreh se ata janë të mirëseardhur në Viti. Përndryshe në këtë takim ka marrë pjesë edhe Fatbardha Emini, Drejtoresh e Arsimit në Viti, e cila theksoi se studentët do të kenë përkrahjen e Komunës së Vitisë, në veçanti të drejtorisë së Arsimit në realizimin e këtij projekti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara