Subvencionohen Organizatat, shoqatat e klubet sportive nga fusha e Kulturës, Rinisë dhe Sportit në komunën e Vitisë

21/05/2024 Institucionet

Është mbajtur sot ceremonia e nënshkrimit të kontratave për subvencionimin e Organizatave dhe shoqatave nga fusha e Kulturës, Rinisë dhe Sportit, që veprojnë në komunën e Vitisë. Në këtë ceremoni, i pranishëm ishte edhe kryetari i komunës, Sokol Haliti, i cili duke uruar përfaqësuesit e OJQ-ve, theksoi se Komuna e Vitisë, në vazhdimësi  ka qenë dhe mbetet e përkushtuar  të mbështesë projektet të cilat kanë dhënë frytë e rezultate të mira. “Shpresojmë e besojmë shumë që edhe kjo mbështetje, ky subvencionim, do të ndikoj që rezultatet tuaja të jenë evidente dhe ta pandalshme edhe në të ardhmen. Kultura, rinia e sporti, gjithnjë komunën tonë e kanë renditur lartë në vlerësime jo vetëm brenda Kosovës, por edhe jashtë kufijve të saj. Andaj, ju uroj për rezultate e suksese të reja”, u shpreh kryetari Haliti. Drejtori për Kulturë, Rini e Sport, Valmir Sahiti, bëri të ditur se janë 27  Organizata, shoqata e klube sportive përfituese nga 31 sa kane aplikuar dhe se vlerësimi për ndarjen e këtyre mjeteve financiare është bërë nga Komisioni Komunal dhe atë në përputhje me Rregulloren për Subvencione të Komunës së Vitisë. Ai po ashtu ka theksuar se komisioni ka qenë i përkushtuar që të bëjë një gjithë përfshirje sa i përket gjitha atyre që kanë aplikuar, kuptohet në bazë të kritereve të përcaktuara për aplikim sipas rregullores në fjalë

Kontrolloni gjithashtu

Themelohet Zyra për Ndihmë Juridike Falas në Komunën e Rahoveci

Kryetari i komunës së Rahovecit, z. Smajl Latifi, të premtën mori pjesë në tryezën për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara