Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Drejtësisë, Abelard Tahiri e ka vlerësuar lartë nismën për krijimin e tribunalit për dënimin e krimeve që ka kryer Serbia në Kosovë gjatë viteve të luftës çlirimtare, 1998-1999. “Mendoj që kjo ka qenë një prej inciativave më të mira që është ndërmarrë që nga paslufta nga institucionet tona, mendoj që është një iniciativë jashtëzakonisht e rëndësishme, pra ne nuk mund të kemi paq në këtë rajon përderisa kriminelët lëvizin të lirë, 20 vjet paslufte ne nuk kemi mundur me i adresuar masakrat që janë kryer në Kosovë dhe ata njerëz, një pjesë e tyre, ende sillen të lirë në Serbi, pasi që Serbia nuk ka vullnet me bashkëpunuar me institucionet e Kosovës, që këta njerëz me i nxjerrë para drejtësisë. Pra është një iniciativë e cila besoj që do dalë me një rezultat pozitiv. Me krijimin e këtij Tribunali, ne do punojmë që ta argumentojmë pse është i rëndësishëm dhe pse është i nevojshëm që ata që kanë kryer krime në këtë vend të dalin para drejtësisë”, ka deklaruar ministri i Drejtësisë, Abelard Tahiri.
