Kryetari i komunës së Rahovecit Smajl Latifi, ka zhvilluar një takim pune me, Astrit Dobrushin, kryetarin e Qarkut të Kukësit. Përkujtojmë faktin që populli liridashës i Kukësit, me zemër të madhe e me bujari, mirëpriti dhe mbajti në ditët më të vështira dhe më vendimtare mbi 700.000 shqiptarë të Kosovës, të cilët u dëbuan me dhunë nga forcat pushtuese të shtetit të Serbisë. Kënaqësi të kultivojmë e të thellojmë marrëdhëniet dhe bashkëpunimin vëllazëror, ka thënë kryetari Latifi!