Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ditë më parë, në Tiranë, kryetari i Komisionit për Çështje Evropiane, Arbër Ademi, në margjinat e konferencës rajonale me temë: “Roli i parlamenteve në Procesin e Berlinit”, pati takim të ndarë me ministrin për Evropën dhe Punët e Jashtme, Igli Hasani. Në bisedë, Ademi informoi për zhvillimet aktuale në Maqedoninë e Veriut në kontekst të zhvillimit të proceseve tona eurointegruese, me ç’rast theksoi se bashkë me Shqipërinë jemi në të njëjtën rrugë për anëtarësimin tonë në BE. Ministri Hasani informoi për Samitin e ardhshëm të Procesit të Berlinit në Tiranë (16 tetor), në nivel qeveritar, ku shprehu mbështetjen për përfshirjen e parlamenteve të Ballkanit Perëndimor në këtë proces, i cili paraqet platformë të rëndësishme për partneritet, pajtim dhe bashkëpunim rajonal të vendeve të Ballkanit Perëndimor, në kuadër të BE-së. Konstatimi i përbashkët ishte se të dy vendet po zhvillojnë marrëdhënie miqësore në të gjitha fushat dhe se nuk ka asnjë pengesë që ato të vazhdojnë edhe në kuadër të Procesit të Berlinit.
(Liljana Petreska)
