TAKIMI I RREGULLT I STABIT EMERGJENT KOMUNAL NË JUNIK

09/04/2020 Institucionet

Stabi Emergjent Komunal në Komunën e Junikut, ka mbajtur takimin e rregullt për të analizuar gjendjen momentale dhe diskutuar masat e nevojshme mbrojtëse kundër Pandemisë Globale COVID-19 për këtë fazë. Kryetari i Komunës Agron Kuçi njoftoj anëtarët e Shtabit për gjendjen aktuale dhe zhvillimet në Komunën e Junikut, ku potencoj që shërbimet ndaj qytetarëve janë ofruar konform masave preventive dhe që projektet dhe bashkëpunimi me bashkëpunëtorët/donatorët potencial po vazhdon suksesshëm nga distanca me qëllim të mos paralizimit të jetës institucionale dhe se gjithashtu edhe gjendja shëndetësore e qytetarëve të Junikut fal disiplinës qytetare mbetet e mirë duke mos shënuar akoma asnjë rast të infektuar me Virusin COVID-19. Përfaqësues nga Institucioni Shëndetësor (QKMF) dhe Organet e Rendit (Stacioni Policor) në Komunën e Junikut prezantuan gjendjen ekzistuese të ditëve të fundit si në aspektin e rendit dhe atë shëndetësor, ku Shefi i QKMF-së demantoj qarkullimin e një lajmi për një të infektuar në komunën e Junikut dhe theksoj se shëndeti i përgjithshëm qytetarë është i mirë, përveçse shqetësuese mbetet furnizimit me material mbrojtës për stafin shëndetësor, mirëpo në përgjithësi gjendja mbetet e qetë dhe nën kontroll, pavarësisht asaj që apeluan qytetarët për kujdes të vazhdueshëm duke kursyer dhe mos vënë në sfidë kapacitet e kufizuara shëndetësore dhe të rendit në vend. Shtabi Emergjent Komunal duke u bazuar në trendin e fundit të rritjes së të infektuarve në vend mbi 20% brenda ditës u pajtuan për një thirrje të përbashkët drejt qytetarëve që: Vetëm një anëtar për familje të bëjë furnizimin për nevoja familjare (duke respektuar masat mbrojtëse), në mënyrë që të ulim shkallën e rrezikshmërisë për infektim. Shtabi Emergjent Komunal fton të gjithë qytetarët që në rast që hasin grupe/turma njerëzish në hapësira publike/parqe t’i njoftojnë organet e rendit, sepse kjo përbën shkelje që rrezikon shëndetin kolektiv dhe ndaj rasteve të tilla do të merren masa ndëshkimore.

Kontrolloni gjithashtu

Kryetari Ramosaj me bashkëpunëtor vizituan Shkollën Fillore “Lan Selimi” në Lumbardh

Kryetari i Komunës së Deçanit, Bashkim Ramosaj së bashku me nënkryetarin e Komunës, Sami Cacaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara