Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Para përfundimit të mandatit, shefi i BE-së, Josep Borrell, synoi të ulte në tavolinën e negociatave kryeministrin e Kosovës, Albin Kurti, dhe presidentin serb, Aleksandar Vuçiq. Qëllimi ishte analiza e arritjeve në dialog dhe fokusimi në rrugën përpara. Megjithatë, takimi në tresh dështoi. Zëdhënësi i BE-së, Peter Stano, tha se kishin llogaritur në pjesëmarrjen e Kurtit, i cili e kishte konfirmuar më parë. Një ditë para udhëtimit për në Bruksel, Kurti kishte konfirmuar pjesëmarrjen e tij në të dy formatet e takimeve. Megjithatë, ditën pasuese ai vendosi tri kërkesa që, sipas Borrell, ishin kushte për rikthimin e dialogut në mirëbesim. Kryetari i Serbisë, Vuçiq refuzoi kushtet dhe akuzoi Albin Kurtin për mungesë guximi. BE-ja ka konfirmuar se takimet e kryenegociatorëve do të zhvillohen javën e ardhshme në Bruksel.
