Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Takimi i radhës në mes të kryenegociatorit të Kosovës, Besnik Bislimi, dhe atij serb, Petar Petkoviq, është caktuar të mbahet për dhjetor të vitit 2024, nën ndërmjetësimin e Bashkimit Evropian. Emisari për dialogun, Miroslav Lajçak, e konfirmoi këtë në një postim tp tij duke theksuar rëndësinë e përgatitjeve për këtë takim, por pa dhënë detaje mbi temat që do të diskutohen. Një prej çështjeve më të ndjeshme është hapja e urës së Ibrit në Mitrovicë, e cila mbetet e mbyllur për qarkullim të automjeteve dhe përdoret vetëm nga këmbësorët. Ura ka një rëndësi simbolike dhe praktike për normalizimin e marrëdhënieve ndërmjet komuniteteve shqiptare dhe serbe në Mitrovicë. Pavarësisht se Qeveria e Kosovës ka insistuar për hapjen e saj, një qëndresë ndërkombëtare dhe insistimi i BE-së që çështja të trajtohet përmes dialogut e kanë mbajtur situatën të ngrirë.
