Takimi i rregullt i Bordit të Drejtorëve në Mitrovicë

20/06/2016 Institucionet

Nën udhëheqjen e kryetarit të komunës së Mitrovicës, Agim Bahtiri, është mbajtur mbledhja e radhës e Bordit të drejtorëve, ku tema diskutimi ishin; Informatë në lidhje me borxhet e programeve buxhetore të muajit Maj; Panairi i sportit 2016; Kërkesë për dhënien në shfrytëzim të pronës komunale për xhami dhe varreza të fshatit Frashër; Kërkesë për dhënien në shfrytëzim të pronës komunale për ndërtimin e një piste garash për aktivitete të Auto- Sportit; Kërkesë nga Elkos Group për këmbim prone; Kërkesë nga Qefsere Hasani,  Armend Bunjaku, Luan e Nexhat Abrashi  për themelimin e një servituti.

Lidhur me pikën e dytë të rendit të ditës drejtori i DKRS-së,Tafil Peci, kërkoi mbështetje financiare në organizimin e këtij panairi i cili ka një rëndësi shumë të madhe për masivizimin e sportit. Edhe pse ky aktivitet është jashtë planit të punës së kësaj drejtorie, drejtori Peci këmbënguli që të mbështet panairi i sportit  2016.

Ndërsa lidhur me pikën tjetër  të rendit të ditës; Kërkesë për dhënien në shfrytëzim të pronës komunale për xhami dhe varreza të fshatit Frashër ku ekzekutivi ishte i pajtimit që Bashkësia Islame të bëjë kërkesë për ndërtimin e xhamisë dhe me tutje të kaloi për shqyrtim, për hapa të tjerë te kujdeset drejtoria për Gjeodezi dhe Kadastër.

Sa i përket pikës së katërtë të rendit të ditës, Kërkesë për dhënien në shfrytëzim të pronës komunale për ndërtimin e një piste garash për aktivitete të Auto- Sportit, për të cilën u vendos të shqyrtohet  edhe një herë rëndësia sportive dhe interesit publik i zhvillimit të këtyre aktiviteteve sportive nga drejtoria përkatëse.

Lidhur me pikën e radhës, Kërkesë nga Elkos Group për këmbim prone,  të dhënat e prezantuara në mbledhje konfirmuan që prona e Elkos Group  është e regjistruar si hipotekë në regjistrat e të drejtave të pronës së paluajtshme në zyrën  kadastrale komunale. Fakt ky që i pamundëson zhvillimin e procedurave të mëtutjeshme.

Kurse pika e fundit e rendit të ditës, Kërkesë nga Qefsere Hasani,  Armend Bunjaku, Luan e Nexhat Abrashi  për themelimin e një  servituti, me ç’rast  Bordi i drejtorëve  u dakorduan  që kjo çështje te kaloi ne zyrën ligjore për shqyrtim.

Në fund drejtori i Drejtorisë së Arsimit, Pajazit Hajzeri, e njoftoi ekzekutivin e komunës  së Mitrovicës me mbarëvajtjen e pjesës së dyte të Testit të Maturës, ku sipas drejtorit gjithçka ka shkuar sipas kritereve të duhura  dhe nuk ka pasur asnjë problem gjatë tërë procesit të testimit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara