Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Shtetit për Marrëdhëniet me Parlamentin, Taulant Balla, ka kërkuar nga Bashkimi Evropian që t’i hapë negociatat për anëtarësimin e Kosovës, duke e cilësuar këtë si një hap të merituar për shtetin e Kosovës. Këtë deklaratë ai e bëri gjatë konferencës dyditore të organizuar nga grupi i Socialistëve dhe Demokratëve të Parlamentit Evropian në Bruksel, e cila u fokusua në programin Willy Brandt për Zgjerimin e BE-së. Balla theksoi se Kosova dhe Maqedonia e Veriut e meritojnë që të nisin negociatat për anëtarësimin në Bashkimin Evropian, duke përmendur se Shqipëria ka filluar procesin e saj të integrimit që në vitin 2014, pas vendeve të tjera të Ballkanit Perëndimor. “Ne do të donim shumë që çdo vend t’i niste negociatat. Gjithashtu, Kosova e meriton t’i nisë negociatat sa më shpejt që të jetë e mundur – sa më shpejt që ju të mundeni. Dhe ne duam shumë që edhe Maqedonia e Veriut t’i nisë negociatat,” theksoi Balla.
