Sunday , November 24 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Të mërkurën nis realizimi i projektit për rregullimin dhe ristrukturimin e shtratit të lumit “Rimnik”

10/11/2020 Institucionet

Tema të tjera...

Kryetari i komunës së Rahovecit Smajl Latifi, ka njoftuar se të mërkurën në ora 09:00, nis realizimi i projektit për rregullimin dhe ristrukturimin e shtratit të lumit “Rimnik” të fshatit Fortesë. Investimi në shtratin e lumit pritet të zgjidhë një problem të madh të banorëve të fshatit, të cilët si pasojë e daljes së lumit nga shtrati i tij, kanë pësuar në vazhdimësi dëme të konsiderueshme në amvisëri e bujqësi kur rajoni i Rahovecit është goditur nga moti i ligë e nga të reshurat e furishme. Komuna e Rahovecit si investitor, ka paraparë një buxhet prej 508 mijë e 862 eurosh e 94 centë për këtë projekt. Gjithashtu, Komuna e Rahovecit ka paraparë rregullimin e shtratit në pjesën hyrëse të fshatit Fortesë për 580 metra të gjatë, rregullimin e shtratit të lumit në dalje të fshatit 420 metra të gjatë, si dhe ristrukturimin e shtratit në një gjatësi prej 850 metra të gjatë. Përgjatë lumit, po ashtu, është paraparë edhe ndërtimi i rrjetit të kanalizimit (kolektori) me gypa plastike të brinjëzuar në gjatësi 3100 metra. Kryetari i Rahovecit Smajl Latifi ka thënë se, pres që punimet të përfundojnë brenda afatit të paraparë, që është muaji i 11 i vitit 2022, dhe lus banorët bashkëfshatarë të mi për durim deri në atë kohë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara