leoni

Të shtunën  në Malishevë u  mbajt Olimpiada  e Matematikës

27/11/2023 Institucionet

Drejtoria Komunale e Arsimit (DKA), të shtunën ka organizuar mbajtjen e garave ” Olimpiada e Matematikës” në nivel komune, me nxënësit  e klasave të 7-ta,8-ta,9-ta,10-ta,11-ta dhe 12-ta, të cilat  u mbajtën në hapësirat  e  Gjimnazi” Hamdi Berisha” në Malishevë. Në këtë garë, morën pjesë mbi 120 nxënës të shkollave të komunës së Malishevës. Nxënësit e përzgjedhur nga kjo garë, më pas do të marrin pjesë në Olimpiadën e Matematikës të Kosovës (OMK 2023)  që  do  të  mbahet  më 23 dhjetor 2023 në Prishtinë, në lokalet e Gjimnazit të Specializuar Matematikor, në ora 10:00. Sipas drejtoreshës së Drejtorisë për Arsim dhe Edukim, Arbëreshë Krasniqi kjo drejtori mbetet e përkushtuar të kontribuojë me të gjitha mundësit dhe kapacitetet që ka në dispozicion për t’i  mbështetur të rinjtë e talentuar në fushën e matematikës. Drejtoresha Krasniqi, falënderon grupin e punës të përbërë nga profesorë të gjimnazit “Hamdi Berisha” në Malishevë. Ekipi  zyrtar i nxënësve  të përzgjedhur për  klasat VII deri te klasa e XII do  të  përfaqësojnë komunën e Malishevës  në Olimpiadën e Matematikës të Kosovës 2023.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara