Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, në përvjetorin e 12-vjetorit të shpalljes së Pavarësisë së Kosovës, i është drejtuar ushtarëve të Forcës së Sigurisë së Kosovës. Thaçi ka thënë se për të është nderë të jetë në mesin e ushtarëve të Kosovës. “Sot kur Kosova feston 12-vjetorin e pavarësisë është nderë dhe privilegj të jem në mesin tuaj. Në këtë ditë të madhe historike dhe të bekuar. Për të ardhur në këtë ditë që Kosova të ketë ushtrinë e vet, u deshtë shumë mund e luftë, durim dhe përpjekje sistematike. Vullnet e unitet i brendshëm politik e qytetarëve, partneritet me miqtë tanë ndërkombëtarë, sidomos me SHBA-në. Një nga të arriturat menjëherë pas luftës ishte procesi i transformimit të Ushtrisë Çlirimtare të Kosovës në Trupat Mbrojtës të Kosovës. Kjo forcë menjëherë pas shpalljes së pavarësisë u shndërrua në Forcë të Sigurisë së Kosovës, dhe brenda 10 vitesh, FSK u transformua në Ushtri të Kosovës. Ushtria e Kosovës u rrit së bashku me vitet e lirisë, pavarësisë dhe zhvillimit të saj”, është shprehur kryetari Thaçi. “Ushtarë të nderuar, bazamenti i Ushtrisë së Kosovës është gjaku i derdhur për liri, janë heronjtë tanë, dëshmorët e lirisë, invalidët e luftës, veteranët e luftës, kontributi i diasporës, është sakrifica e të gjithë qytetarëve të Kosovës”, ka pohuar ai, duke porositur ushtarët e Kosovës, që ta bartin me nderë uniformën, duke shtuar se Kosova së shpejti do të jetë pjesë e NATO-s, është nderë që dikur kam qenë ushtar i UÇK-së.
