Thaçi: MTI përkrah projektin për trajtimin e ndërmarrjeve në procesin e falimentimit-bankrotimit në Kosovë

09/03/2018 Institucionet

Zëvendësministri i Tregtisë dhe Industrisë, Faton Thaçi, priti në takim Suzana Dautaj, koordinatore e projektit “Zgjidhja e borxhit dhe dalja nga biznesi”, të implementuar nga Korporata Financiare Ndërkombëtare (International Finance Corporation) – IFC dhe e financuar nga Agjencia Zvicerane për Zhvillim (SCO). Temë diskutimi ishte prezantimi i objektivave të këtij projekti dhe identifikimi i aktiviteteve për të ardhmen dhe më pastaj nënshkrimi i marrëveshjes së të dyja palëve në mes të Ministrisë së Tregtisë dhe Industrisë, si kryesues i këtij procesi, dhe IFC, si implementues dhe këshillues. Zonja Dautaj tha se qëllimi i këtij projekti është ruajta e kompanive nga procesi e falimentimit apo bankrotimit. Më tej, zv/ministri Thaçi tha se ne jemi të gatshme që t’i japim frymë këtij procesi dhe u zotua se ky projekt do të jetë i zbatueshëm dhe do të gjejë përkrahje edhe nga pjesa që i takon MTI-së, pasi që kjo ministri tani më ka hartuar edhe platinin legjislativ, që përkon me projektin në fjalë. “Ky projekt ka përmasa kombëtare pasi që konsiderojmë se është patriotizëm të sfidohesh profesionalisht në ruajtjen, ndërtimin dhe zhvillimin e potencialeve ekonomike që posedon ky vend”, tha Thaçi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara