Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, kryeministri Mustafa dhe kryekuvendari Veseli janë duke bërë përpjekje që marrëveshja për demarkacionin me Malin e Zi të marrë mbështetjen e më shumë se 80 deputetëve. Lidhur me këtë Thaçi iu ka bërë të ditur qytetarëve se çfarë pasojash do të ketë Kosova nëse deputetët nuk e votojnë demarkacionin me Malin e Zi. Kryetari i Kuvendit Kadri Veseli shprehet i bindur se më 1 shtator deputetët do t’i thonë po Demarkacionit. Edhe kryeministri Mustafa shpjegon se brenda LDK –së është duke u sqaruar gjithçka rreth kësaj çështjeje dhe ndihet optimist për ratifikimin e marrëveshjes. Deklarata e treshes pushtetare po bëhen në kohën kur sapo ka përfunduar vizita e nënkryetarit amerikan Bajden, me qëllim për t’i bindur deputetët se nuk ka rrugë tjetër të mbetjes në pushtet, pos faljes së 8.200 hektarëve tokë Malit të Zi dhe legjitimimit të një republike serbe në veri të Kosovës. Vetë Bajden në fjalën e tij kishte thënë se Kosova duhet të bëjë një kompromis të dhembshëm sa i përket veriut.
