Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesit politikë të shqiptarëve të Kosovës Lindore po kërkojnë që çështja e kësaj treve shqiptare të përfshihet në kuadër të dialogut Prishtinë – Beograd, madje ata kërkojnë që të bashkohen me Kosovën. Megjithatë në Zyrën e Kryetarit thonë se do të kërkohen të drejta për shqiptarët e tri komunave shqiptare, por nuk thonë se do të kërkohet bashkimi i tyre me Kosovën. Presidenca e vendit edhe një herë ka bërë të ditur se në bisedimet e Brukselit me Serbinë do të diskutohet edhe për çështjen e Kosovës Lindore. Zyrtarë nga Presidenca i kanë thënë “Zërit” se aty do të adresohen probleme të shumta me të cilat ballafaqohen shqiptarët atje duke filluar nga respektimi i të drejtave elementare njerëzore e deri tek ato kombëtare e politike. Në anën tjetër, liderët shqiptarë të Preshevës, të Medvegjës e të Bujanocit kanë kërkuar sërish që të bëhen pjesë e Republikës së Kosovës. Në anën tjetër, njohësit e çështjeve politike në vend kanë vlerësuar se udhëheqësi i dialogut (nga pala kosovare), Hashim Thaçi, mund ta hedhë në tavolinë çështjen e Kosovës Lindore më shumë për të treguar se nuk e ka të lehtë të bëjë ndonjë marrëveshje të dëmshme për Kosovën sesa që vërtet është i interesuar ta zgjidhë problemin e kësaj treve shqiptare.
