Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës së Kosovës, Hashim Thaçi, ka marrë pjesë të sot në lansimin e studimit mbi mirëqenien dhe sigurinë e grave në Kosovë, të organizuar nga OSBE-ja. Ai ka thënë se pas pranimit të raportit ndjenja e parë është ajo e dëshpërimit me pozitën e gruas, me dhunën që ushtrohet kundër gruas, me kërcënimet për mirëqenien dhe sigurinë e tyre në shoqërinë kosovare. Sipas tij, traumat e thella të luftës dhe gjenocidit, të represionit dhe të diskriminimit, të përjashtimit dhe mohimit të të drejtave, prekin thellë në shoqërinë tonë. Ai ka shtuar se po në këtë raport ka gjetur arsye edhe për optimizëm dhe kurajo për të vazhduar me zhvillimin dhe transformimin e shoqërisë kosovare. Thaçi ka theksuar se kemi ende rrugë për të bërë për të garantuar barazi të plotë gjinore.
