Deputeti i Bundestagut Gjerman, Thomas Hacker, njohës i thellë i problemeve ballkanike, ka deklaruar se Bashkimi Evropian nuk po e mban anën e Serbisë në dialog me Kosovën, sikur është shprehur kryeministri i Kosovës, Albin Kurti. Radha e fundit e bisedimeve mes Kosovës dhe Serbisë, në Bruksel, nuk do të mbahet mend për ndonjë përparim, por për kritikat e hapura që kryeministri, Albin Kurti i adresoi tek emisarët e BE-së. Sipas kryeministrit të Kosovës, emisari i BE-së, Miroslav Lajçak, po e mbanë anën e Serbisë në tavolinën e negociatave. Ky konstatim sipas deputetit gjerman Thomas Haker është i paqëndrueshëm. Asnjë nga 27 vendet anëtare të BE-së nuk mendon se Lajçak po e mbanë anën e Serbisë, në bisedime me Kosovën. Këtij konstatimi nuk i beson as Departamenti Amerikan i Shtetit.
![Thomas Hacker: Do të duhej që Kosova gjatë dialogut të jepte sinjale lidhur me gatishmërinë për kompromis](https://www.radiokosovaelire.com/wp-content/uploads/Thomas-Hacker-660x330.jpeg)