Time Kadriaj shpresom se procesi i liberalizimit të vizave për Kosovën do të përmbyllet nën kryesimin e BE-së nga Gjermania

Edhe pse u tha se Kosova ka përmbushur kushtet për liberalizim siç rekomandoi edhe Komisioni Evropian një gjë e tillë tash e dy vjet nuk po ndodhë. Në Kosovë ka qëndrime të ndryshme për sa i përket këtij procesi por që shumica pajtohen se vendi ka përmbushur kushtet për lëvizje të lirë të qytetarëve për në zonën Schengen. Kryetarja e komisionit për Punë të Jashtme dhe Diasporë në Kuvendin e Kosovës Time Kadriaj po e sheh si pozitive kryesimin e institucioneve të unionit nga ana e Gjermanisë. Ajo shpreson që ky proces të përmbyllet sa e ka kryesimin ky vend mik i Kosovës. Kadriaj më tutje është shprehur se në bazë të statistikave numri i azilkërkuesve kosovarë ka rënë dhe kjo është një tregues se qytetarët nuk i prishin matematikat e BE-së. Deputetja e AAK-së më tutje thotë se është padrejtësi e Evropës ndaj Kosovës që ende nuk është përmbyllur ky proces me gjithë rekomandimin pozitiv të Komisionit Evropian./EO/