Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tomë Gashi, avokati i familjes Deharit, ka publikuar raportin e ekspertëve të pavarur në rastin e vdekjes së aktivistit të Lëvizjes Vetëvendosje!-s, Astrit Dehari në qendrën e paraburgimit në Prizren. Ai ka akuzuar kryeprokurorin e Gjykatës Themelore në Prizren, Sylë Hoxha, i cili ka publikuar një raport mashtrues, ku janë caktuar gjoja shkaqet e vdekjes së Astrit Deharit. As me një shkronjë Instituti i Mjekësisë Ligjore nuk ka thënë se Dehari ka bërë vetëvrasje. Krejtësisht të kundërtën e kanë thënë ekspertët e pavarur. Në përfundimin e tyre në rastin konkret kemi të bëjmë më lëndime në parakrahun e majtë, në anën e djathtë të qafës. Këto kanë qenë lëndime me mjete mekanike dhe janë klasifikuara si shenja mbrojtëse. Kemi të bëjmë me vrasje, jo me vetëvrasje. Është demantuar teoria e Sylë Hoxhës, që Astriti ka bërë vetëvrasje. Ne bazë të ekspertëve të pavarur ka pasur lëndime të mëdha në kokë, në dorën e majtë dhe nofull. Kanë qenë lëndime vetëmbrojtëse. Vdekja ka ardhur nga asfiksia që është ngufatje që kryhet gjatë dhunimit me qëllim pengimin e britmës. Të dhënat e vendit të ngjarjes tregojnë se kemi të bëjmë me jastëk që është gjetur në dysheme, ka thënë mes tjerash avokati, Tomë Gashi.
