Tri ndërmarrje nga Mitrovica filluan eksportin e prodhimeve të tyre për në Gjermani

12/07/2016 Institucionet

Nga platforma e fabrikës prodhuese  “Bunjamini”, ka filluar të hënën eksporti për  në Gjermani i prodhimeve të tri ndërmarrjeve prodhuese nga Mitrovica: “Bunjamini”, “Eco Color” dhe “Niga Profil”.   Eksporti i betonit, ngjyrave dhe rrjetave që prodhohen në këto ndërmarrje për në Gjermani është bërë me ndërmjetësimin e drejtorit të Odës Ekonomike Afrikane, Baki Baliu.

Kryetari i komunës së Mitrovicës, Agim Bahtiri, i cili me bashkëpunëtorët e tij përcolli nga afër ngarkesat e para me prodhime të këtyre ndërmarrjeve për eksport për në Gjermani, tha se është ky një sukses i madh i arritur me shumë mund dhe punë cilësore të drejtuesve dhe punëtorëve të  këtyre ndërmarrjeve.

“Kjo ditë është e rëndësishme edhe për komunën e Mitrovicës dhe për bizneset tjera, të cilat duhet të marrin shembull nga këto tri ndërmarrje se si duhet punuar dhe prodhuar për të depërtuar në tregjet e Evropës perëndimore, e që është synim dhe qëllim i yni. Ne në komunë do të bëjmë gjithçka që është e mundur që bizneseve të ju krijojmë kushte sa më të mira dhe ti mbështesim për të arritur suksese të tilla”, tha ndër të tjera kryetari Bahtiri.

Sipas bashkëpronarit të kompanisë “Eco Color”, Astrit Haxhiu, eksportit i ka parapri një vizitë e bërë dy muaj më parë në këto ndërmarrje të përfaqësuesve të disa kompanive nga Gjermania, me ç’rast  edhe është arritur marrëveshja për bashkëpunim.

Ai tha se bashkëpunimi është bërë i mundur falë punës së palodhshme dhe të kujdesshme të këtyre tri ndërmarrjeve, që kanë arritur për të  plotësuar të gjitha kriteret  konform normave të tregut Evropian dhe kushteve të përfaqësuesve të kompanive gjermane.

Drejtori i kompanisë “Bunajami” , Afrim Shabani, falënderoj kryetarin Bahtiri  për mbështetjen  e tij dhënë bizneseve mitrovicase si dhe  drejtorin e Odës Ekonomike Afrikane, Baki Baliu, për kontributin që ka dhënë për të mundësuar plasmanin e prodhimeve në tregun gjerman.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara