Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Mbrojtjes e Rusisë ka bërë të ditur se trupat e saj po mbajnë uzinën bërthamore të Çernobilit, në Ukrainë me qëllim për ta mbrojtur atë. Rusia thotë se po e bën këtë për të siguruar që “grupet nacionaliste dhe organizatat e tjera terroriste nuk mund të përdorin situatën në vend për të organizuar një provokim bërthamor”. Ministria tha gjithashtu se nivelet e rrezatimit në zonën përreth uzinës ishin normale dhe se stafi po vazhdonte të monitoronte nivelet e radioaktivitetit. Trupat ruse morën centralin famëkeq bërthamor të enjten. Rusia tha gjithashtu se më shumë se 150 trupa ukrainase ishin dorëzuar dhe se dhjetëra objekte të infrastrukturës ushtarake ukrainase, armë dhe automjete ishin shkatërruar. Forcat e armatosura të Ukrainës, përgënjeshtruan deklaratën duke thënë se ata po mbanin linjën në Donetsk dhe Luhansk ku trupat ruse nuk kishin pasur asnjë sukses dhe kishin shtyrë armikun në zona të tjera.
