Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefja për Informim dhe Komunikim me Publikun në Gjykatën Speciale, Angela Griep ka njoftuar se trupi gjykues ka urdhëruar vazhdimin e paraburgimit për Hashim Thaçin dhe Kadri Veselin. Ajo tha se trupi gjykues ka konstatuar se ekziston rrezik i mjaftueshëm që Thaçi dhe Veselit të pengojnë ecurinë e procesit dhe të kryejnë krime të tjera. Sipas saj, trupi gjykues ka konstatuar se komunikimet mund të kufizohen në një mënyrë që zvogëlon mjaftueshëm këto rreziqe vetëm me anën e zbatimit të kornizës për monitorimin e komunikimeve që përdoret në objektin e paraburgimit të Dhomave të Specializuara. Ndërsa, njoftoi se seancat në këtë çështje gjyqësore do të vazhdojnë më 28 gusht. Griep ka dhënë informacione edhe për çështjen gjyqësore Pjetër Shala, ku tha se kryetarja e DhSK-së ka caktuar Panelin e Dhomës së Specializuara të Gjykatës Kushtetuese më 14 korrik që të vendosë në lidhje me kërkesën referuese nga Shala, e dorëzuar më 11 korrik, ku pretendon shkelje të të drejtave të tij themelore, transmeton Betimi për Drejtësi.
