Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në çështjen gjyqësore kundër Hashim Thaçit, Kadri Veselit, Rexhep Selimit dhe Jakup Krasniqit, më 11 dhjetor, trupi gjykues i Gjykatës Speciale ka miratuar pjesërisht kërkesën e Prokurorisë për t’i pranuar dëshmitë e nëntë dëshmitarëve me shkrim. Po ashtu, gjatë një konferencë është thënë se më 9 dhjetor, trupi gjykues ka miratuar kërkesën e një dëshmitari për të dhënë dëshmi me masa mbrojtëse përmes videolidhjes, raporton “Betimi për Drejtësi”. Ndërsa në çështjen Salih Mustafës, sipas zëdhënësit Doyle, kryetarja e gjykatës ka caktuar një panel të Gjykatës Supreme, më 10 dhe 11 dhjetor, për të vendosur lidhur me dy kërkesa për mbrojtjen e ligjshmërisë, një nga Salih Mustafa dhe një nga prokuroria. Të dyja kërkesat lidhen me vendimin e Gjykatës së Apelit, për lëshimin e një vendimi të ri për Salih Mustafën, i cili pretendon se paneli i Gjykatës së Apelit ka shkelur ligjin në përcaktimin e dënimit për akuzën e vrasjes së paligjshme dhe i kërkon Panelit të Gjykatës Supreme të caktojë dënim më të ulët për këtë akuzë. Prokuroria kundërshton ligjshmërinë e dënimit me 15 vjet.
