Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tayyip Erdogan, ka deklaruar se nuk do të mbështesë kërkesën e Suedisë për anëtarësim në NATO, pasi ky shtet i krishterë ka lejuar një proteste në Stokholm të shtunën që përfshinte djegien e një kopje të Kuranit. Protesta në kryeqytetin suedez rriti tensionet me Turqinë, në një kohë kur ky vend ka nevojë për mbështetjen e Ankarasë për t’u bashkuar me aleancën ushtarake. Zyrtarët suedezë dhe finlandezë, si dhe nga Sekretari i Përgjithshëm i NATO-s, Jens Stoltenberg, ka kohë që po mundohen ta binin Turqinë për të miratuar hyrjen e dy vendeve nordike në aleancë. Suedia dhe Finlanda kanë premtuar të adresojnë kërkesat e sigurisë të vendosura nga Turqia, përkatësisht praninë e organizatave kurde në Suedi, që Ankaraja pretendon se janë të lidhura me Partinë Punëtore të Kurdistanit. Edhe më herët, Turqia, BE-ja dhe Uashingtoni e shpallën PKK-në një grup terrorist. Ata që lejojnë këtë lloj blasfemie para ambasadës sonë, në Stokholm të Suedisë nuk mund të presin mbështetjen tonë për anëtarësimin në NATO, tha Erdogan pas mbledhjes së Qeverisë së Turqisë.
